Në datat 24–27 Prill 2025 në Qendrën Ndërkombëtare të Panairit në Bursa, u mbajt panairi ndërkombëtar i ndërtimit dhe pronave të paluajtshme, ku morri pjesë kompaniа anëtare e Odës Ekonomike të Maqedonisë Veri-Perëndimore, Super kompani.
Ky panair mblodhi mbi 1000 biznismenë nga 70 shtete të ndryshme të botës, duke ofruar një platform për prezantimin e materialeve më të avancuara ndërtimore, teknologjive të qëndrueshme si dhe inovacioneve më të fundit në këtë sektor. Ngjarja shërbeu gjithashtu si një mundësi konkrete për eksplorimin e tregjeve të reja për investim dhe nxitjen e bashkëpunimeve të reja në industrinë e ndërtimit dhe atë të pasurive të paluajtshme.
Pjesëmarrja e Super kompani në këtë panair u realizua me mbështetjen e OEMVP-së, në kuadër të shërbimeve për organizimin dhe asistimin e kompanive anëtare në panaire ndërkombëtare, me qëllim të rritjes së prezencës së tyre në tregjet globale dhe zgjerimit të mundësive për bashkëpunim ndërkombëtar.
Oda Ekonomike e Maqedonisë Veri-Perëndimore vazhdon të jetë një partner i fuqishëm në avancimin e kompanive anëtare, duke ofruar mbështetje të drejtpërdrejtë për rritjen e kapaciteteve të tyre konkurruese, promovimin në tregje të reja dhe zhvillimin e qëndrueshëm ekonomik përmes ndërlidhjes së biznesit dhe nxitjes së inovacionit.
