Oda Ekonomike e Maqedonisë Veri-Perëndimore shpalli TOP 100 kompanitë më të suksesshme gjatë vitit të kaluar në Maqedoninë e Veriut. Ky manifestim është shndërruar në traditë dhe për të nëntën herë bën përzgjedhjen e kompanive më të suksesshme që gjatë vitit 2018 janë përzgjedhur në bazë të pesë kriteriumeve kryesore, siç janë: qarkullimi vjetor, neto fitimi, numri i të punësuarve, investimet dhe ROE (kthimi i kapitalit).
Çmimin e parë e morri kompania Vardar Dolomit, çmimin e dytë e morri kompania Alma-M, çmimin e tretë e morri Kipper Market, çmimin e katërt Neptun si dhe çmimin e pestë e morri kompania Dauti Komerc.
Çmimin për rritje më të shpejtë gjatë tri viteve të fundit e morri kompania Gajret nga Struga, çmimi për biznes të suksesshëm të udhëhequr nga gruaja shkoi në duart e Uniqa Life dhe Global Markets Award u fitua nga kompania Slice.
