Temat kryesore të cilat u diskutuan në këtë takim ishin: energjetika, bujqësia, ndërtimtaria dhe turizmi.
Fillimisht kryetari i OEMVP-së Menderes Kuçi, prezentoi punën e Odës dhe siguroi për bashkëpunim të ndërsjelltë në mes kompanive anëtare të Odës dhe kompanive nga Katari për investime të përbashkëta.
Energjetika u shqyrtua si mundësi e investimeve konkrete, veçanërisht në sektorin e hidroenergjetikës dhe energjisë eulike (të erës). Delegacioni nga Katari shprehu interesim për sektorin e ndërtimtarisë në Maqedoni. Gjithashtu, shprehën gadishmëri për një hulumtim rreth ekzistimit të naftës në Maqedoni.
Interes të posaçëm iu kushtua edhe sferes së bujqësisë dhe veçanërisht sigurimin e pronës së tokës dhe realizimin e investimeve konkrete në bujqësi.
Nga Oda Ekonomike e Maqedonisë Veri-Perëndimore u sigurua se do të kenë mbështetje për sigurimin e kushteve sa më të mira investitorëve potencial në këtë sektor, duke shfrytëzuar gadishmërinë e investimeve të përbashkëta në mes kompanive potenciale nga Katari dhe kompanive anëtare të Odës.
Poashtu, një sektor tjetër interesant është edhe sektori i turizmit ku delegacioni nga Oda i njoftoi për një potencial të mirëfilltë për investime në Kodrën e Diellit, duke mos anashkaluar edhe turizmin veror.
