OEMVP – 15 vite duke mbrojtur dhe mbështetur bizneset shqiptare në Maqedoni (Dokumentar)

Oda Ekonomike e Maqedonisë Veri-Perendimore shënon me sukses 15 vjetorin e ekzistimit, përkrahjes dhe mbrojtjes së bizneseve në Maqedoninë e Veriut.

15 vite të përfshira në një dokumentar të realizuar për të kaluarën, të tashmen dhe të ardhmen e OEMVP-së. Për etapat e funksionimit të OEMVP-së flasin Nebi Hoxha e Drilon Iseni si përfaqësues të aktual të odës së ndërmarrësve shqiptarë në Maqedoni. Menderes Kuçi dhe Xhemail Dauti si ish-kryetarë të OEMVP-së dhe Taip Jakupi, përfaqësues i bizneseve të Zonës së Vizbegut në Shkup.

Sipas Jakupit, Zona e Vizbegut nuk do të ishte kjo që është tani pa ndihmën e OEMVP-së. Kuçi tregoi për konkurrencën dhe garën me dhomat tjera ekonomike në vend. Dauti flet për sfidat e para të Odës, duke u përballur me paragjykime etnike nga elita e atëhershme politike në vend. Hoxha dhe Iseni prezantojnë të arriturat e Odës për 15 vite ekzistencë.

Dokumentari në vete përmban të kaluarën, të tashmen dhe të ardhmen, me rrëfime ekskluzive, statistika të pa publikuara më herët dhe fakte rreth betejave dhe “luftës” shqiptare për fuqi ekonomike në Maqedoni.

OEMVP, gjatë këtyre viteve ka arritur të etablohet në mesin e Odave më të mëdha të vendit duke zënë pozicion të rëndësishëm në vend, falë besueshmërisë së informacioneve me të cilat janë shërbyer anëtarësia dhe opinion në përgjithësi.

Dokumentarin mund ta ndiqni në linkun e mëposhtëm:
https://www.youtube.com/watch?v=T93S5o4dHEA&fbclid=IwAR02vjJuE85rx4599OQNhGEPY7HdLuWDKY5-a7fzPU1JiTKIjRJ2qDcfNw8