Kompanitë anëtare të Odës Ekonomike të Maqedonisë Veri-Perëndimore, Dauti Komerc dhe Gemak Trejd, të cilat në kontinuitet kanë dëshmuar përgjegjësinë e tyre ndaj shoqërisë në forma të ndryshme dolën fituese të çmimit nacional në Kategorinë ‘Investime në shoqëri” për projektin ”Fondacioni Dauti” dhe Gemak në kategorinë ”Sjellje me të punësuarit” me projektin ”Kujdes për të punësuarit” nga kategoritë për kompanitë e mëdha.

Qëllimi i ndarjes së Çmimit Nacional është të promovohen praktikat përgjegjëse shoqërore dhe të inspirohen dhe më tutje avancimi dhe ngritja e përgjegjësisë shoqërore te kompanitë në Maqedoni. Koncepti i përgjegjësisë shoqërore për këto tetë vitet e fundit është bërë pjesë përbërëse e punës së subjekteve afariste në vend dhe numri i kompanive që aplikojnë praktika përgjegjëse është në rritje – theksuan nga Ministria e Ekonomisë.