Udhëheqësia e OEMVP, në krye me U.D kryetarin z. Aliu, drejtorin ekzekutiv z. Zekiri, anëtarë të KD dhe kompani anëtare ishin pjesëmarrës në ngjarjen solemne të organizuar nga Fondacioni Albiz, me rastin e 15-vjetorit të themelimit të tij dhe promovimit të Gjeneratës së XV-të të bursistëve. Ky përvjetor përfaqëson një moment të rëndësishëm reflektimi mbi rrugëtimin dhe kontributin e fondacionit në mbështetjen e të rinjve të talentuar ndër vite.
Gjatë ngjarjes, OEMVP u vlerësua me mirënjohje për kontributin, bashkëpunimin dhe përkrahjen e dhënë gjatë 15 viteve të veprimtarisë së Fondacionit.
Albiz gjatë kësaj periudhe ka mbështetur mbi 500 nxënës dhe mbi 2.200 studentë, duke kontribuar drejtpërdrejt në zhvillimin e potencialit të tyre dhe ndërtimin e një shoqërie më të arsimuar dhe më të kualifikuar, për përmbushjen e nevojave të tregut të punës për fuqi punëtore.
Oda Ekonomike e Maqedonisë Veri-Perëndimore thekson se bashkëpunimi mes sektorit privat dhe iniciativave të tilla për mbështetjen e arsimit, zhvillimit profesional dhe investimit në kapitalin njerëzor janë ndër shtyllat kryesore për një ekonomi të qëndrueshme dhe konkurruese.
Pjesëmarrja e përfaqësuesve të OEMVP në këtë përvjetor dëshmon përkushtimin e vazhdueshëm për të mbështetur projekte dhe organizata që kontribuojnë në avancimin e të rinjve dhe në ndërtimin e një të ardhmeje më të sigurt për shoqërinë tonë.
