21.08.2024 година, Скопје – Во просториите на СКСЗМ се одржа средба со Амбасадорот на Република Косово, кој беше пречекан од г. Qyra, почесниот претседател г. Даути и извршниот директор г. Зекири. На средбата се разговараше за зголемување на учеството на косовските компании на пазарот на Северна Македонија и обратно, при што беше истакнато дека има многу можности за проширување на соработката вклучувајќи различни сектори. Беше спомнат и договорот One Stop Shop, кој има за цел да ги олесни административните процедури за компаниите кои работат меѓу двете земји, овозможувајќи побрз и поефикасен пристап до соодветните пазари.
Друга тема беше реципроцитетот при купувањето имоти во двете земји, каде што двете страни ја истакнаа важноста од еднаков третман на граѓаните и компаниите во имотно-правните работи, што следствено ги зајакнува односите меѓу државите.
Амбасадорот, г. Ќехаја зборуваше и за решението на проблемот и за членството на Косово во ЦЕМТ Унијата (Европска конференција на министерства за транспорт), оценувајќи дека членството на Косово е од суштинско значење за олеснување на меѓународниот транспорт на стоки и за зајакнување на позицијата на Косово на регионалните пазари и меѓународните пазари.
Неговата екселенција, исто така, истакна дека ја гледа СКСЗМ како партнер и дека ќе продолжи да ги води косовските компании во РСМ да станат членки на Стопанската комора на северо-западна Македонија.
Стопанската комора на северо-западна Македонија веќе е многу важен фактор во креирањето на макроекономските политики, одредувањето на правецот на економскиот развој, но и сега со неоспорен придонес за отворање на вратите за надворешно-трговска размена со соседните земји, но и пошироко.
