15.09.2025, Скопје – Претседателот на Групацијата за енергетика при Стопанската комора на Северо-Западна Македонија, г-дин Сами Морина, заедно со Извршниот директор на СКСЗМ г-дин Дурим Зекири, остварија средба со раководителката на секторот за енергетика, г-ѓа Старделова, и раководителката на секторот за обновливи извори на енергија, г-ѓа Даскалова, при Министерството за енергетика, рударство и минерални суровини.
На средбата беа разгледани прашања од значење кои се однесуваат на бизнис заедницата и нивните предизвици поврзани со енергетиката, новиот Закон за енергетика, како и подзаконските акти кои треба да се донесат со цел негово целосно функционализирање.
СКСЗМ, во духот на соработката, останува посветена на зајакнување на својата улога како мост помеѓу институциите и бизнис заедницата. Една од стратешките насоки е ориентацијата кон современи институции и бизниси, засновани на принципите на циркуларната економија и користењето на обновливите извори на енергија, давајќи приоритет на одржливоста и иновациите во служба на долгорочниот развој.
