Во Стопанската комора на Северо-Западна Македонија беше организирана работилница од страна на Народната банка, со цел компаниите членки на Комората да се запознаат одблизу со можностите и погодностите од извршувањето на плаќањата во Единствената област за плаќања во евра СЕПА.
Презентацијата ја одржаа директорот на Секторот за операции на финансиски пазари и платни системи г. Игор Величковски и директорката на Дирекцијата за платни системи г-ѓа Билјана Доновска Гечева.
Учесници беа компаниите членки на Комората од секторите трговија на големо и мало, дистрибуција на производи, енергетика, финансии, фармацевтски сектор, адвокатски канцеларии, шпедиција, градежништво, како и услужни дејности.
На работилницата компаниите беа подетално информирани за функционирањето на СЕПА каналот за извршување на плаќањата во евра, и беше отворена дискусија за согледување на практичните искуства, предизвиците, нејаснотиите и други оперативни прашања со кои компаниите се соочиле при неговото користење. Притоа, беа истакнати придобивките од побрзото и ефикасно извршување на плаќањата во евра преку СЕПА во однос на плаќањата преку коресподентските канали, поедноставена стандардизирана процедура за извршување на плаќањата, пониските трошоци и нивната поголема транспарентност и предвидливост, , коешто воедно обезбедува директна поддршка на трговските активности со партнерите од Европската Унија и СЕПА.
Стопанската комора на Северо-Западна Македонија и понатаму останува посветена на обезбедување структурирано информирање и континуирана поддршка за компаниите членки во однос на најновите економски, финансиски и правни случувања, како на национално, така и на регионално и меѓународно ниво. Во таа насока, Комората ја развива и продлабочува соработката со државните институции, со цел зајакнување на приватниот сектор и економијата во целина.
