Делегација на Стопанската комора на Северо-Западна Македонија (СКСЗМ) денес оствари официјална посета кај Градоначалникот на Општина Струга, г. Mendi Qyra, поранешен претседател на СКСЗМ и една од клучните фигури во институционалниот развој на Комората.
Во делегацијата присуствуваа в.д. претседателот на СКСЗМ, г. Нухи Алиу, извршниот директор, г. Дурим Зеќири, почесниот претседател, г. Џемаил Даути, како и други членови на Управниот одбор и поширокото раководство на Комората.
За време на средбата се разговараше за унапредување на соработката помеѓу бизнис-заедницата и локалната самоуправа, создавање поповолни услови за инвестирање во струшкиот регион, како и за заеднички иницијативи кои можат да придонесат кон локален економски развој и зајакнување на туристичкиот сектор.
СКСЗМ високо ја цени посветеноста и искуството на г. Qyra, оценувајќи ја оваа средба како значаен чекор кон зацврстување на институционалното партнерство и поддршката на стопанските субјекти во регионот.
