25.12.2025, Скопје – Стопанската комора на Северо-Западна Македонија ја организираше Новогодишната вечер, која послужи како момент на рефлексија за постигнувањата, предизвиците и иницијативите преземени во текот на 2025 година. Настанот ги обедини членките, партнерите и поддржувачите на Комората, означувајќи успешно заокружување на годината и отворање нови перспективи за претстојната година.
Меѓу присутните беа првиот Вицепремиер, г. Беким Сали и Министерот за економија и труд, г. Бесар Дурмиши, кои со своето присуство ја оценија улогата и придонесот што СКСЗМ го дава за економскиот развој и застапувањето на домашниот бизнис.
В.Д. претседателот на СКСЗМ, г. Нухи Алиу, изрази благодарност за посветеноста и довербата на членовите, истакнувајќи дека резултатите од 2025 година се плод на континуираната соработка и отворениот дијалог со бизнисите. Тој им посака понатамошни успеси и нови достигнувања во годината што доаѓа.
Новогодишната вечер го означи завршувањето на една успешна година, нагласувајќи ја важноста на соработката со бизнисите и институциите. Со јасна визија за 2026 година, СКСЗМ останува фокусирана на поддршката и зајакнувањето на приватниот сектор.
