03.12.2025, Скопје – Стопанската комора на северо-западна Македонија учествуваше на Б2Б настанот “Business Forum North Macedonia – Serbia”, каде присутни беа в.д. Претседателот на СКСЗМ, г. Нухи Алиу, и Извршниот директор, г. Дурим Зекири, заедно со компаниите членки: Silacpor, Eko Sharr, Dauti Komerc, Dauti Transportshped, Pluska Kompani, Lansky Ganzger Zeqiri + Partners, Karanovic and Partners, Multipark Izairi, Kit Go и Edu Soft.
Настанот им овозможи на домашните компании да остварат директни Б2Б средби со компании од Србија, создавајќи простор за нови партнерства и размена на професионални искуства.
Пред почетокот на Б2Б средбите, настанот започна со поздравни обраќања од високи претставници на Владата на Република Србија, кои ја потенцираа важноста на економската соработка меѓу двете земји и поддршката за развој на нови бизнис партнерства.
Целта на форумот беше зајакнување на економската соработка меѓу Северна Македонија и Србија, при што тој послужи како платформа за проширување на можностите за прекугранична деловна соработка.
Во завршницата на средбите беше организиран висок ручек со високи претставници, каде учесниците имаа можност да развијат директни разговори и да ја продлабочат соработката меѓу компаниите и претставниците на институциите.
Преку учество на вакви форуми, СКСЗМ продолжува да ги зајакнува компаниите членки, нудејќи им конкретни можности за вмрежување, економски развој и создавање нови партнерства.
