05.07.2025, Струга – Министерството за економија и труд, во соработка со Агенцијата за вработување, го презентираа Оперативниот план за вработување, на настанот организиран во Ëmbla Hotel & Spa во Струга.
Планот опфаќа конкретни мерки и директна поддршка за домашните компании, со цел зголемување на вработеноста и зајакнување на приватниот сектор во земјава.
Во рамки на настанот се одржа и панел-дискусија, на која говорници беа: министерот за економија и труд, Бесар Дурмиши, претседателот на СКСЗМ, Mendi Qyra, директорот на Агенцијата за вработување, Сељатин Белули, и портпаролката на Владата на РСМ, Венера Латифи Азизи.
Во своето обраќање, претседателот Qyra ја истакна важноста на Оперативниот план за вработување како конкретен чекор кон зајакнување на младите и одржлив економски развој. Тој ја оцени позитивно зголемената буџетска поддршка и фокусот на вклучување на младите на пазарот на труд, нагласувајќи дека СКСЗМ останува посветена да биде мост меѓу бизнисите и институциите, преку редовно информирање, поддршка за самовработување и создавање подобри услови за стартапи и домашни компании.
„Елиминацијата на асиметријата меѓу побарувачката за 20.000 работници од приватниот сектор и понудата од над 96.000 активни баратели во агенцијата за вработување е приоритет за надминување на ова теснина во кое се наоѓа економијата и пазарот на труд“ – истакна, меѓу другото, г. Mendi Qyra.
Претседателот Qyra и овој пат гласно реагираше против нереализирањето на барањето за зголемување на минималната нето плата на 500 евра и замрзнување на придонесите, со што тие би останале на 32%, со што би се олеснило големо финансиско време за работодавачите, без да се предизвикаат буџетски импликации врз државната каса.
