Делегација на Стопанската комора на северо-западна Македонија оствари работна средба со Министерот за внатрешни работи, г. Панче Тошковски, при што беше дискутирана имплементацијата на системот „Safe City“ и неговото влијание врз економијата и деловната активност.
СКСЗМ достави конкретни барања и сугестии во врска со унапредување на системот, особено во делот што се однесува на работата и деловната активност на возилата на компаниите во сообраќајот. Министерот Тошковски истакна дека овие предлози ќе бидат разгледани со сериозност и дека ќе се најдат решенија за елиминирање на секоја нејаснотија што може да се појави при спроведувањето на системот.
СКСЗМ ја реафирмираше својата поддршка за Министерството за внатрешни работи во неговата работа, особено во зачувувањето на јавниот ред и безбедност, како и во почитувањето на законите, сметајќи ги овие како суштински предуслови за создавање стабилна клима за водење бизнис и за општествена благосостојба.
