21.05.2025, Скопјe – Претседателот на СКСЗМ г-дин Qyra, заедно со потпретседателот г-дин Алиу, членот на Управниот одбор г-дин Морина, извршниот директор г-дин Зекири и оперативнaта менаџерка г-ѓа Ајдини, ги пречека на состанок претседателот г-дин Бесарт Дрешај и претставниците на одборот на Косовската бизнис асоцијација.
На овој состанок се дискутираа можностите за соработка за важни прашања што директно влијаат на деловната клима и економскиот развој во двете земји. Беше нагласено дека отстранувањето на царинските бариери и хармонизацијата на тарифите е од особено значење за олеснување на прекуграничната трговија и подобрување на протокот на стоки.
Беше разгледано и прашањето за недостатокот на квалификувана работна сила. Страните ја изразија потребата од координирани политики што ја поддржуваат стручното образование, контролираната економска миграција и интеграцијата на младите луѓе на пазарот на трудот.
Двете институции изразија подготвеност за соработка и преземање конкретни чекори за прашања што се во корист на приватниот сектор.
