Историјат

Стопанската комора на Северозападна Македонија е непрофитна организација која беше основана согласно Законот за стопански комори на Македонија на 01.03.2005 година со седиште во Тетово. Поради политичките околности тогаш, првично не ѝ беше доделен статус на стопанска комора, туку ѝ беше наметнато и името „Економскиот круг на Северозападна Македонија“.

Со пречки уште од самиот почеток, оваа институција беше основана од 122 компании кои тогаш беа и нејзини први членови, а основачкото собрание се одржа во просториите на Универзитетот на Југоисточна Европа, од каде почна функционирањето и структуирањето. На ова собрание беа избрани собраниски членови, структурата и првиот претседател.

Првичното привремено седиште на Стопанската комора на Северозападна Македонија беше во Тетово, а по две години функционирање, се пресели во Скопје, како сигнал за целосно национално покривање на активностите на оваа институција, а како резултат, членството се удвои.

Предизвиците на раководството и првите структури на Комората беа воспоставување и добивање соодветен третман од институциите и владата, особено прифаќањето на нејзината побарувачка да биде призната како стопанска комора согласно Законот за стопански комори на Северна Македонија.

И покрај многуте пречки од институциите и владата тогаш, раководството на комората, односно Економскиот круг на Северозападна Македонија успеа да ги надмине овие препреки и во 2007 година, Економскиот круг беше преименуван во Стопанска комора на Северозападна Македонија.

Сега албанскиот бизнис, но и не само тој, имаше институција каде можеше да ги адресира своите прашања.

Главната цел беше работата и активноста на Комората да се посвети на обезбедување професионална помош на нејзините членови при развојот на активностите и посебните задачи од производство, трговија и услуги, усвојување нови технологии и методи за управување со компаниите, поттикнување и координација на истражувања и развој на техничко-технолошки достигнувања.

Во рамките на својата активност, СКСЗМ во текот на годините од своето постоење остави длабоки траги во создавањето на макроекономски политики, реализацијата на различни проекти за претприемништво, застапување во локални и меѓународни институции, разни партнерства со стопански комори, асоцијации и економски организации, со што го прошири својот влијание и стана една од клучните стопански комори во земјата. Исто така, од 2011 година, СКСЗМ го организира и најголемиот настан во регионот, настанот „Top 100™“, кој промовира и поттикнува конкурентност и ги наградува оние компании кои постигнале успех во претходната година. Овој проект се традиционализираше и стана препознатлив знак за СКСЗМ, и истиот продолжува да се реализира секоја година.