Të pranishëm ishin Ministri për vetëqeverisje lokale z. Lirim Shabani, Ministri për integrime europiane të Shqipërisë znj, Klajda Gjosha, Euro ambasadori në Shkup z.Aivo Orav dhe udhëheqësit te sektorit politik ne Tiranë z.Clive Rumbold,   si dhe strukturat operative të dy vendeve fqinje Maqedoni-Shqipëri.

Takimin e hapi Ministri për vetëqeverisje lokale z. Lirim Shabani, me ç’rast në cilësinë e nikoqirit në këtë takim, përshëndeti të pranishmit duke falënderuar partnerët mbështetës për realizimin e projekteve të shumta në fusha të ndryshme.

“Dua të përfitoj nga nga ky rast të shpreh falënderimin tim të thellë për Delegacionin e Unionit Europian, që në mënyrë konstante jep mbështetje të fuqishme me njohuri konkrete si dhe eksperiencë në zhvillim, menaxhim dhe implementim të IPA Bashkëpunimit Ndërkufitar. Si rezultat i kësaj mbështetjeje, ne kemi vendosur një bashkëpunim real ndërkufitar mes partnerëve, dhe kemi arritur rezultate të shkëlqyera dhe frytdhënëse në vitet e kaluara. Qëllimi kryesor i IPA Programit të ri për Bashkëpunim Ndërkufitar Republika e Maqedonisë – Republika e Shqipërisë. Objektivi është të nxis zhvillim më të ekuilibruar, gjithëpërfshirës dhe zhvillim të qëndrueshëm socio- ekonomik të Zonës Kufitare dhe ajo është hartuar bazuar në analiza të hollësishme” theksoi ministri Shabani.

Ndërkaq, Ministri i Integrimit Europian i Republikës së Shqipërisë, z-nj Klajda Gjosha në fjalimin e saj nënvizoi se “qytetarët tanë në të dy vendet, pavarësisht se ku jetojnë, dëshirojnë të kenë një ambient më të sigurt social, ku gjithsecili të ketë mundësi të barabarta. Në këtë drejtim, objektivi i përgjithshëm i Programit të ri BNK është të nxisë një zhvillim socio-ekonomik më të balancuar, gjithpërfshirës dhe të qëndrueshëm të Zonës Kufitare”.