Në hapësirat e Odës Ekonomike të Maqedonisë Veri-Perëndimore, Drejtori Ekzekutiv  z. Zeqiri priti në takim përfaqësues nga Ministria e Punëve të  Jashtme dhe Tregti të Jashtme, me qëllim të diskutimit për mundësi bashkëpunimi me kompanitë anëtare të Odës.

Zekiri prezantoi punën dhe dinamikat e Odës, duke theksuar disa nga pikat kyçe strategjike në kuadër të Platformës për zhvillim ekonomik të RMV. U potencua rëndësia e fuqisë punëtore të mjaftueshme dhe të kualifikuar, me një ekonomi diverze dhe zhvillimore që parandalon emigrimin, ku në këtë drejtim OEMVP zëshëm ka propozuar masa konkrete për parandalimin e këtij fenomeni. U diskutua edhe rreth kompanive anëtare të Odës të cilat eksportojnë jashtë vendit, duke kontribuar në mirëqenien ekonomike të Maqedonisë së Veriut.

Këshilltari në Drejtorinë e diplomacisë ekonomike dhe publike z. Draganço Apostolovski u shpreh se janë të gatshëm së bashku me përfaqësuesit e tjerë të Ministrisë, të bashkëpunojnë me kompanitë të cilat eksportojnë, në mënyrë që të njëjtit të promovohen në tregjet ndërkombëtare, por edhe të kontribuohet në uljen e deficitit tregtar, i cili në vitin 2024 shënon 3 281.2 milion euro, apo mbulimi i importit me eksport në 70.3%

OEMVP mbetet e angazhuar për të forcuar bashkëpunimin, me qëllim krijimin e politikave më efektive për zhvillimin ekonomik, rritjen e konkurrueshmërisë dhe promovimin e eksportit në tregjet e huaja.