Oda Ekonomike e Maqedonisë Veri-Perëndimore në bashkëpunim me Fondacionin Albiz morrën iniciativë që të hapin xhirollogari të veçantë ku do të grumbullohet fond i cili do të shërbejë për ndihmë për qytetarët e vendeve të prekura nga vërshimet, të cilët janë në gjendje të mjeruar dhe më shumë se kurrë kanë nevojë për mobilizimin dhe përkrahjen tonë.

Kjo iniciativë do të shërbejë për të gjithë personat fizik dhe kompanitë të cilat duan të ndihmojnë, në mënyrë që të kenë më të lehtë mënyrën e deponimit të mjeteve në një vend të sigurtë i cili më pas do të mundësojë shpërndarjen e tyre në mënyrë transparente.