Стопанската комора на Северо-Западна Македонија денес со организирање на еден Оpen Day во општина Чаир ги презантираше досегашните резултати на проектот, споменувајќи гo тука успешното завршување на четири обуки за женитe од етничките заедници со околу 85 обучени учеснички, кои се избрани во соработка со претходно формираните работни групи во секоја општина. Обуките започнаа во Јуни месец во општина Боговиње а потоа продолжија во Скопје и Струга, а во Јули завршија обуките во Кичево. Во текот на месец Cептември, исто така, е остварена уште една професионална обука за професионалците и волонтерите за работа во инкубатор.

  Имплементацијата на проектот започна во Ноември минатата година и ќе трае до Февруари 2014 година. Проектот се имплементира во четири региони, и тоа во: Скопскиот регион (Сарај, Чаир и Арачиново), Полошкиот регион (Боговиње и Брвеница), Струга и Кичево заедно со селата. Целната група се жени на етничката Албанска, Турска и Босанска заедница на возраст од 20 до 45 години, со низок степен на образование.

  Стопанската Комора на Северо-Западна Македонија во партнерство со Здружението за локален рурален развој и Агенцијата за регионален развој Сенек – Пезинок од Словачка, се одговорни за спроведување на проектот “Образование, вработување и еднаквост за жените од етничките заедници”, финансиран од страна на Оперативната програма за развој на човечки ресурси 2007 – 2013, инструмент за претпристапна помош (ИПА).

  На присутните им се доделија и промотивни материајали со информации за проектот и на крај имаше и коктел за сите гости.

Стопанска Комора на Северо-Западна Македонија	Здружение за локален рурален развој	Регионална агенција за развој-Сенек-Пезинок

 Проектот е финансиран од Европската Унија