Oд денеска започна саемот Мебел 2016
22-ти Mарт 2016 – Од денес до 27 Март 2016 година на Скопскиот саем ќе се одржи 42-то издание на Меѓународниот саем на мебел “Мебел 2016”, во кој ќе се претстават 180 директни изложувачи и 400 индиректни од Македонија, Италија, Хрватска, Србија, БиХ и Косово.
Според организаторите, овој саем е можност да се види тековниот светски тренд на мебел и дизајн, како и што е актуелно и модерно на европскиот пазар.
За изложувачите, Скопски Саем традиционално организира натпревар за најдобар експонат на саемот во различни категории, во класата на производителите и трговците. Изборот го прави професионална комисијаво која се вклучени професори од Факултетот за дизајн и технологија на мебел, Архитектонски факултет, како и претставници на Асоцијацијата на архитекти, Министерството за економија и Кластерот за дрвна индустрија во Македонија.
Во овој саем како излагачи со своите производи се и многу компании членки на СКСЗМ како Молика, Р-металика и Metaleks од Тетово, Мебел Лачка од Струга и други.
Comments are closed.