Скопје, 18 септември 2014 г. – Со Одлука на Владата за организирање саеми за вработување, кои ќе се организираат во 8 плански региони на Македонија, почнувајќи од Скопје, СКСЗМ учествуваше на Работен состанок за организирање на саеми за вработување.

Во реализацијата на овие саеми вклучени се сите релевантни институции од различните сектори, каде се опфатени и стопанските комори, синдикатите, како и претставници од основните и средните училишта.

Задача на СКСЗМ е сензибилизирање на своето членство за учество на саеми за вработување.

Саемот ќе ги содржи следните компоненти: промовирање на компаниите, организирање на работилници со невработени лица, презентирање на успешните искуства на самовработените млади лица, итн. 

Примарна цел е поврзување на работодавците со невработените лица, како и подигнување на свеста за школување во дефицитарните професии.

Првиот Саем за вработување ќе се одржи во Скопје, на 14 октомври 2014 година, во СЦ „Борис Трајковски„, од 10:00 до 17:00 часот.