Учесници на настанот беа претставници на различни компании од различни региони, заинтересирани за ИПАРД програмата, новиот Повик за начинот на подготвување на документацијата и аплицирањето за новата Програма, која се очекува да се објави од 2015 година натаму.
Средбата помеѓу претставниците на Агенцијата за финансиска поддршка во земјоделството и рурален развој и стопанствениците се чини дека беше продуктивна. Стопанственците имаа можност јасно да ги искажат нивните нејаснотии околу процедурите и начинот на аплицирање за овие фондови, но и претставниците на Агенцијата од друга страна, директно да ги сослушаат поплаките во делот кај што тие наидуваат на потешкотии и заедно дискутираа околу тоа зошто Република Македонија се наоѓаа во оваа ситуација на неискористеност на понудените средства во целина за овие 5 или 6 години.
На Отворениот ден се презентираа и трите мерки или под-категории во кои се опфатени дејностите или условите на учество за физичките и правните лица. Првата мерка е мерка 101 која ги опфаќа инвестициите на земјоделските стопанства за преструктурирање и надградба до стандардите на Европската Унија. Втората мерка под број 103 ги опфаќа инвестициите за преработка и маркетинг на земјоделските производи со нивно преструктурирање и надградба за достигнување на стандардите на Европската Унија, како и последната мерка под број 302 – диверзификација и развој на рурални економски активности.
Новиот Повик се очекува да излезе кон крајот на октомври или почетокот на ноември и е отворен за сите граѓани.
За подетални информации сите заинтересирани можат поопширно да се информираат и на веб страната на Агенцијата: ipardpa.gov.mk