11 Мај 2017  – Стопанската Комора на Северозападна Македонија и Групацијата на Бизнис Жени при СКСЗМ реализираа студиска посета на бизнис инкубаторите кои оперираат во Албанија, односно во Тирана, Ecosystem Tirana – Innovation Hub Albania и Yоnus Social Business Balkans. Ова посета се реализираше во соработка и поддршка на Програмата за зголемување на вработливоста на пазарот – IME, ова посета исто така и претходи и на отворањето на инкубаторот во рамките на Комората, се со цел поддршка и мотивација на младите и жените во реализација на нивните бизнис идеи.

Бизнис инкубаторите кој што беа посетени се развиени за да го подржат и забрзаат процесот на развој на новите компании помагајќи ги младите претприемачи со ресурси и други услуги. Младите претприемачи се оспособуваат со следење на обуки за развој на бизнисот, техничка и административна поддршка, совети за менаџирање и развој на бизнисот, правни услуги, финансиски, како и пристап до финансии.

Оваа посета беше добра можност да се анализира како овие инкубатори функционираат и како ги подржуваат младите претприемачи и иновативните идеи кои понатаму креираат нови работни места.

За време на студиската посета во Тирана, беа реализирани состаноци каде што беше дискутирано и за организација на настани на регионално и меѓународно ниво, како и учество во европските проекти.

Ова беше одлично искуство за претставниците на СКСЗЗМ, бидејќи овие институции навистина успеале да се истакнат во нивната дејност и интересот на Комората е најдобрите практики да се применат и во нашата земја.