Центарот за кариера на Универзитетот на Југоисточна Европа организираше Саем на кариера, кој беше отворен од страна на ректорот Проф. Д-р Замир Дика, кој зборуваше за важноста на овој настан за студентите, Универзитетот и бизнис заедницата. На овој саем беше присутна и градоначалничката на општина Тетово, г-ѓа. Теута Арифи.
    Овој настан претставува добра можност за студентите да ги запознаат потенцијалните работодавци, каде што тие ќе имаат можност да разговараат за можности за  вработување, како и да се вклучат и да дискутираат за соодветноста на квалификациите и нивните вештини со барањата на пазарот на трудот или компанијата.
    Стопанската комора на Северо -Западна Македонија ги запозна студентите со можности за вршење на практична работа во Комората, како и за работата и активностите на СКСЗМ, за сите оние студенти кои имаат интерес за ангажирање во СКСЗМ.
  Овогодинешниот саем за кариера е организиран по деветти пат и беа присутни повеќе од 40 компании и организации од Македонија, кои ги претставија своите активности на учениците, персоналот и другите гости.