23 април 2018  – Стопанската комора на Северо-Западна Македонија во соработка со Стопанската комора на Македонија, Стопанската комора за информатичка технологија и комуникација (МАСИТ),  Сојузот на стопанските комори на Македонија и ЕПИ Центар Интернационал денеска во Велес организираа економски форум на тема ” Инвестиции за долгорочен економски развој “.

На овој форум беа разгледани разни прашања поврзани со законската регулатива,програмите за поддршка, светските трендови како основа за зголемување на инвестициите фокусирани на агро -бизнис секторот.

Исто така, учесниците преку интерактивна дискусија дојдоа до заклучок за можностите за надминување на бариерите на инвестицискиот процес и подобрување на економската клима во земја.

Проектот е финансиран од УСАИД со цел да го поддржи економскиот раст преку олеснување на притисокот врз МСП, предизвикан од честите промени на законските правила и олеснување на примената на законите во Македонија.