Од 17-ти до 19-ти април 2019-та година во Сараево се одржува 10-тата меѓународна конференција за инвестиции организирана од страна на Bosna Bank international и Islamic Development Bank Group. Сараевскиот бизнис форум е најважен бизнис и инвестициски настан во Југоисточна Европа. На оваа конференција се среќаваат институционални, приватни и бизнис претставници од целиот свет. На форумот учествуваат бизнисмени и сопственици на проекти од Босна и Херцеговина, Албанија, Хрватска, Северна Македонија, Црна Гора, Србија и Словенија. Ова претставува меѓународна платформа за деловно вмрежување, деловно истражување и можности за инвестирање во Југоисточна Европа, со заедничка цел на економскиот развој на регионот.

СКСЗМ учествува оваа година во СБФ 2019, додека претседателот Неби Хоџа ќе потпише меморандум за соработка со Bosna Bank international  во рамките на тридневниот бизнис-форум и ќе биде дел од панелот за “Придобивки од развојот на дрвната индустрија и мебел “.

Со цел да се подобри деловното опкружување во регионот и да се подржат иновативните идеи, успешните компании ќе бидат наградени во неколку категории, додека нашите компании-членки се номинирани во следните категории:

Нептун во категоријата за Бизнис на годината;

Ука и Везе шари во категоријата за Претприемач на годината;

Мауа е номинирана три категории Младински работодавач на годината, Награда за социално влијание и Претприемач на годината.