Стопанската Комора на Северо-Западна Македонија на датум 03 Октомври 2013 година организираше отворена дебата на тема “Предлог Буџетот за 2014 година”.

  На овој состанок беа поканети академикот Абдулменаф Беџети, заменик министерот за финансии Ардијан Џељадини, претставници на албанските бизниси членки на СКСЗМ и медиумите.
  “Ние во конкретниот случај бараме буџет кој ќе биде 25 отсто од БДП и ќе оди во развојни цели, но не можеме да го оспориме фактот дека буџетот за 2014 година е поголем од минатите години. Секако дека во заеднички интерес е и континуираниот дијалог во однос на инвестициите и во однос на инфраструктурните проекти, при што ние како комора не сакаме да им дадеме етничка конотација. Стапката на раст на капиталните инвестиции не е толку колку што сакавме, но таа се зголеми, и во споредба со претходните години е многу поголема. Буџет го полниме рамномерно, и затоа треба еднакво да ги користиме предностите од истиот”, рече претседателот на СКСЗМ г-дин Кучи.
  Заменик-министерот за финансии го претстави предлог буџетот за бизнис во 2014 година, предвидува трошоци во износ од околу 2 милијарди 870.000.000€, додека приходи од 2 милијарди 572.000.000 €. Економскиот раст на земјата е проектиран да биде 3,2 %, додека инфлацијата до 3,3%. Во однос на пари за капитални инвестиции, тие се зголемија за 20 % и се околу 370 милиони евра. Тој исто така додаде дека нацрт-буџетот за 2014 година предвидува инвестиции во области населени со Албанци, како изградба на слободни економски зони во Тетово, Гостивар и Струга, како и бројни алатки за градење и реновирање на образовни, културни и здравствени објекти во областите населени со етничко албанско население.
  “Не се новина капиталните инвестиции, последните 5-6 години имавме најавени, планирани капитални инвестиции и секојпат повеќе предвидувања, се помалку реализации. Прво не може да се остваруваат таков тип на капитални инвестиции, ниедна година не беа остварени онолку колку што беа планирани, а второ е нивната структура, така што оваа година за првпат преовладува делот на типично капитални инвестиции, тоа се железничка инфраструктура, енерегетиката, образованието и здравството, но добро ќе биде ако се одржува, јас сепак мислам дека нема да се остварат, зошто остварувањето ќе оди на остварените приходи, а барем последните 2-3 години приходите заостануваат и оттука имаме поголема стапка на буџетски дефицит“, вели универзитетскиот професор, Абдулменаф Беџети.