20 Aприл 2017  – Стопанската Комора на Северо-Западна Македонија во соработка со Програмата за зголемување на пазарната вработливост (ИМЕ) на Швајцарската агенција за развој и соработка (SDC), имплементирана од страна на Swisscontact и PREDA Plus денес организираа инфо сесија на тема: „Преку коучинг програма до раст на бизнисот!”.

Целта на инфо сесијата е презентација на Групацијата на бизнис жени и презентација на услугата – Coaching, која директно влијае на личниот развој на претприемачите и  развојот на Вашиот бизнис, услуга за која ИМЕ програмата за членките на ГБЖ покрива 30% од вкупната цена за сите продукти.

Коучинг програмата за зголемување на  продажбата е дизајнирана да ги подобри способностите на жената менаџер, во консултација со обучени коучи, тие можат да креираат ефективни бизнис планови со цел постигнување успех во бизнисот.