Министерство за економија на ден 28 Февруари 2014 година организираше средба со стопанственици за имплементирање на ХАЛАЛ стандард, со цел да се презентираат можностите и значењето од воведувањето на споменатиот стандард во работењето на претпријатијата, процесот на сертифицирање, како и можностите и начинот на аплицирање за субвенционирање на трошоците за негово воведување и сертифицирање од страна на Министерството за економија.
Средбата е со цел истотака да се подигне свеста на ХАЛАЛ системот, во насока на подобрување на нивната конкурентност.
Воведно обраќање пред присутните имаше и министерот за економија г-дин Ваљон Сараќини, претседателот на СКСЗМ г-дин Мендерес Кучи кој ги покано сите членки на СКСЗМ да аплицираат за овој стандард, како и извршниот директор на СКМ, г-ѓа Јелисавета Георгиева.
Претставник на ИВЗ го презентираше процесот на сертификација на ХАЛАЛ, а претставникот на министерството за економија г-ѓа Елизабета Тодорова го презентираше процесот за аплицирање за субвенции за ХАЛАЛ.
На крај, претставниците на компаниите кои веќе го користат овој систем како што се Виталиа, Ука Комерц и МакПрогрес, ги презантираа своите искуства од имплементацијата на ХАЛАЛ системот.