Скопје, 20.07.2023 – Во просторите на Стопанската комора на Северo Западна Македонија се одржа средба со Сојуз на бизнисмени Визиони-ПМБ од Прешево со што беше означен важен чекор кон зајакнување на економските и деловните врски помеѓу двете земји.
На оваа средба се разговараше за соработката меѓу двете организации, проблемите со кои се соочуваат со цел изнаоѓање на заеднички решенија како и изнаоѓање на можности за поврзување на компаниите од Северна Македонија и Сојузот на бизнисмени Визиони-ПМБ.
Целта на оваа платформа е да придонесе за раст и развој на трговската и инвестициската инфраструктура, како и да ја олесни размената помеѓу овие две земји.
Со оваа заедничка заложба се очекува подобрување на деловната клима во двете земји и создавање нови можности за понатамошен раст и соработка.