Деловна средба со Претседателот на Република Северна Македонија

24.07.2019 – Денеска во просториите на Стопанската Комора на Северо-Западна Македонија беше пречекан на работна средба Претседателот на Република Северна Македонија г-дин Стево Пендаровски. Целта на денешната средба беше да се разговара за економските случувања и политики во земјата. Претседателот на СКСЗМ г-дин Неби Хоџа ја претстави комората и нејзините барања. Присутни на оваа средба беа компании членки на комората. СКСЗМ како комора е секогаш посветена кон градење на партнерство и соработка со државните институции, со цел на заедничко пречекорување на бариерите кои ги среќаваме на патот за развој на нашата земја. Реформските процеси и евроатланскиот пат како процеси беа и секогаш ќе бидат поддржани од страна на СКСЗМ.

Ние како СКСЗМ, секогаш сме биле и ќе продолжиме да бидеме транспарентна комора на бизнис заедницата во Северна Македонија, преку покренување на проблемите со кои се соочуваа бизнис заедницата, но и нудење на решенија за истите проблеми. СКСЗМ делува во согласност со нејзините начела на функционирање, кои се:

  • Транспарентност и отчетност;
  • Рамномерен регионален развој;
  • Напуштање на митот за ефтина работна сила;
  • Намалување на невработеноста и создавање на среднорочна стратегија за одржлив економски развој; и
  • Раст на БДП од над 4%, за постигнување на не само економски раст туку и економски развој.

Горенаведените начела претставуваат основа за постигнување на економски развој и благосостојба, како и постигнувањето на овие но и другите предложени мерки на ефикасен и ефективен начин е можно преку вклучување на бизнис заедницата во процесот на донесување на одлуки.

Оваа презентација на СКСЗМ, од страна на Претседателот на државата г-дин Пендаровски, беше поздравена на позитивен начин и оваа средба е чекор кон почетокот на соработката меѓу Комората и Претседателот на државата.