Денес, во инспиративна атмосфера меѓу природните убавини на Водопадите во Камењане, Стопанската комора на Северо-Западна Македонија официјално ја започна кампањата по повод одбележувањето на 20-годишнината од своето основање со симболичен марш, кој ќе остане во сеќавање како почеток на едно ново поглавје за Комората и нејзиното членство.
На овој посебен марш учествуваа највисоките раководни органи на Комората: Претседателот г. Mendi Qyra, почесниот претседател, претседателот на Собранието, членовите на Управниот и Надзорниот одбор, членови на Комората, како и Извршната канцеларија предводена од извршниот директор г. Дурим Зекири.
По тој повод, претседателот Qyra ја изрази својата благодарност до Извршната канцеларија за иницијативата и организацијата на овој значаен настан, како и до членовите за нивното учество. Тој ја нагласи важноста на овој симболичен марш да прерасне во традиција, пренесувајќи ја пораката на единство и долгорочна визија до идните генерации.
Водопадите го симболизираат постојаниот тек, свежината и обновата – исто како СКСЗМ, која 20 години по ред претставува стабилен извор на енергија и развој за бизнисите во земјата. Од друга страна, маршот го претставува колективното патување, посветеноста и соработката – вредности кои ја следат Комората уште од нејзиното основање.
Овој марш не беше само прошетка во природа – туку потсетување на 20-годишното патување и заложба да се продолжи покрај бизнисите на секој чекор од иднината.
Во рамките на 20-годишнината, СКСЗМ ќе продолжи со низа активности кои ќе го отсликаат нејзиниот развоен пат и влијанието низ годините – секогаш во служба на бизнис заедницата и економската иднина на земјата.
