На 12 февруари започна меѓународниот саем CF Istanbul, обединувајќи повеќе од 200 компании-учеснички од 20 различни држави, 10.000 професионални посетители и над 400 учесници со штандови. Компаниите кои учествуваат се од секторот на проектирање и архитектура, градежни материјали, градежништво, опрема за бања и  опрема за кујна.

Претставниците на СКСЗМ од компаниите членки Trim Lum, Mi Trans, Arh Koncept, Ambrella и Gradis Koo учествуваа на првиот и вториот ден од саемот, каде што имаа можност да одржат B2B средби со меѓународни компании, да ги истражат можностите за нивна експанзија на странските пазари и да разменат идеи за потенцијални идни соработки.

Во меѓувреме, компаниите Be Fix, Balkan Group и Ju-Sm продолжуваат со своето учество во наредните денови, при што ќе имаат можност да искористат нови можности за вмрежување со другите компании-учеснички и да ги промовираат своите бизниси.

Како дел од својата посветеност за поддршка на своите членки и нивно поврзување со меѓународните пазари, СКСЗМ ја овозможи оваа учество за компаниите од Групацијата за градежништво, урбанизам, животна средина и енергетика на овој престижен саем.

Стопанската комора на северо-западна Македонија продолжува да нуди поддршка за сите членки кои се заинтересирани за учество на меѓународни саеми и за развој на соработки со нови пазари.

За повеќе информации и за да бидете дел од овие иницијативи, контактирајте нè на:
📩 info@oemvp.org

📞 075 422 886