Oda Ekonomike e Maqedonisë Veri-Perëndimore me datë 27 Shkurt 2014 mbajti mbledhjen e V-të të Kuvendit.
Pas fjalimit përshëndetës nga ana e kryetarit të OEMVP-së, z. Menderes Kuçit, drejtori ekzekutiv z. Arben Halili prezantoi Raportin Vjetor me të gjitha aktivitetet nga viti i kaluar dhe propozim planin operativ të Odës për vitin 2014.
Gjatë kësaj mbledhje u votua edhe për disa ndryshime statutore, duke përfshirë këtu rritjen e numrit të anëtarëve të Këshillit Drejtues nga 13 në 15, si dhe formimin e grupacioneve të ndryshme me interes të përbashkët në kuadër të OEMVP-së, edhe atë:
– Grupacioni për bujqësi dhe zhvillim rural;
– Grupacioni i prodhuesve të miellit;
– Grupacioni i ndërtimtarisë;
– Grupacioni i përpunimit të drurit dhe mobiljeve;
– Grupacioni për turizëm dhe hoteleri;
– Grupacioni i grave sipërmarrëse;
– Grupacioni i mediave;
– Grupacioni i prodhuesve dhe përpunuesve të qumshtit dhe mishit;
– Grupacioni i teknologjive informative;
– Grupacioni i përpunuesve të metalit;
– Grupacioni për shërbime financiare, juridike dhe konsulente;
– Grupacioni për mbrojtjen e mjedisit dhe planifikimi hapësinor;
– Grupacioni i distributorëve të konsumit të gjerë dhe
– Grupacioni i shitjes me pakicë.
Mbledhja u mbajt në hapësirat e Odës Ekonomike të Maqedonisë Veri-Perëndimore, dhe me vendim unanim të anëtarëve të Kuvendit, u miratua ky propozim, i cili doli nga Mbledhja e I-rë e Këshillit Drejtues të mbajtur më 10 Shkurt 2014.
