Skenarët e propozuar nga biznesmenët janë të errët, nëse vazhdon të prolongohet dhe thellohet kriza politike. Një pjesë e tyre pohojnë se situata është e vështirë, pa marrë parasysh  se a përgatiten zgjedhjet apo jo, kurse të tjerët paralajmërojnë zvogëlimin e numrit të të punësuarve edhe çelës në derë kompanive të tyre.

       Pasiguria se kur do të mbahen zgjedhjet e parakohshme ka ngritur shqetësime në mesin e sipërmarrësve dhe një  ambient të vështirë të biznesit në vend.

          Duke krahasuar situatën me zhvillimet e vitit 2001 paralajmërojnë se nëse kriza politike nuk përfundon së shpejti, kompanitë e vogla dhe të mesme do të përballen me skenare edhe më të zeza, me jo-likuiditet dhe jo-konkurrencë të madhe. Drejtori i Odës Ekonomike të Maqedonisë Veri-Perëndimore Fatmir Bytyqi, thotë se nëse tendencat vazhdojnë kështu, do të ketë largime nga puna, dhe nëse për 5 muaj nuk arrihet të zgjidhet krejt, sinjalet e para negative do të bëhen të dukshme për të gjithë në shtator.

            Për kompanitë e mëdha, situata ekonomike në vend është e keqe pavarësisht nëse shteti është para zgjedhjeve apo do funksionojë qeveria teknike. Zhvillimet globale kanë lënë pothuajse pa punë kompanitë e industrisë së metalit, duke punuar me një furrë ose një fushatë pa masa për të shpëtuar një industri që ka një pjesë të konsiderueshme në GDP-në, dhe priten pasoja të tmerrshme mbi ekonominë, thotë Mitko Koçovski nga Oda e industrisë metalike.

            Biznesmenët janë decid në atë se shteti nuk mund të mbështetet në investimet e huaja direkte të cilat nuk ndikojnë në zhvillimin ekonomik dhe në rritjen e paqëndrueshme për shkak se ajo është e bazuar në ndërtimtari.

                  Nëse nuk përfundon kjo pasiguri politike, ata thonë se situatat në industri do të bëhet më e vështirë, dhe shpenzimet e paplanifikuara do të bëhen të dukshme dhe të matshme.

http://telma.com.mk/vesti/ekonomijata-vo-uslovi-na-tehnichka-vlada